माझी दृष्टी + मेरा दृष्टिकोन + My Perspectives

20 जून 20 भरलेले ताट आणि कुरकुरणारी खाट ..   परवा एका मित्राच्या मुलाशी बोलणे झाले . नोकरीच्या कारणाने हा मुलगा आपल्या आईवडिलांपासून लांब राहत होता . लग्न व्हायचे होते त्यामुळे , समवयस्क मित्रांसोबत रहायचा . बोलता बोलता म्हणाला की सध्या जिथे राहतो तिथले फर्निचर जुनाट आहे , टेबल डगमगतो , खुर्च्या आवाज करतात . माझ्या माहितीप्रमाणे आधी तो एका मित्रासोबत त्याच्या स्वतःच्या फ्लॅट मध्ये राहत होता , तेव्हा तिथले फर्निचर एकदम नवीन आणि व्यवस्थित होते . जेव्हा मी हे त्याला मी सांगितले तर म्हणाला , की आता तो दुसर्‍या मित्रांसोबत राहतो , आधीच्या मित्रा सोबत भांडण झाले ( की केले ?) तेव्हापासुन तो एका जुन्या पण फारसे सौख्य नव्हते म्हणुन दूर राहणार्‍या मित्रा च्या फ्लॅट मध्ये भाड्याने राहतोय . फ्लॅट नवीन दिसत असला तरी आतून फार काही व्यवस्थित नाही , त्याच्या या " जुन्या पण नवीन " मित्राने भावड्याचे फर्निचर आणून टाकले , ते सुद्धा जुने पुराणे . खायचे वांधे आहेत . स्टोव आह...